انا محبوس كلمات الشاعر السيد علي القن
(((( انا محبوس))))
انا محبوس
ورا قضبان
وأيد سجان
بتخنقني
انا مخنوق
ورا جدران
ومية باب
حابسني
ونفسي اطير
كسوبر مان
اخطي بيبان
ورا جدران
مايمنعني
ولا سجان
ولا حراس
انا نفسي
اشوف النور
واعدي بحور
واحطم كل اسوارك
واتنفس هوي صافي
ف عز الصيف
وجو لطيف
واجدد كل اركانك
انا محبوس
بقي لي سنين
ولسه بانفذ احكامك
وعشمي اني أعيش
لي يومين بدون
سجنك وسجانك
واكتب لك دواوينك
واغني لك مواويلك
ما بين شمسك
وبين نيلك
ووسط الليل
اناجيكي واناديكي
يطل الفجر ف عيونك
ينور ف السما ليلك
وتشرق شمسك
الدافيه تحرق
كل خفافيشك
تنور كل قناديلك
ويخضر الامل فيكي
فيطرح بكره من ليلك
كلمات الشاعر/السيد علي صبرى القن
Commentaires
Enregistrer un commentaire