ف لمنام خير وسلام كلمات الشاعر الزجال محمد زرواني

ف لمنام خير وسلام

شفت ف لمنام 
خير و سلام
بونا  أدام
جاء عندي بالتمام

سولني عل لعيان 
حفاد بونا ادام
وامناحواء

قال واش فهمت
ؤ حشمت

قلت: طار منها لحيا
ؤ زادت  عابت
فسخت التوب ؤ عرات
الركابي ...
ؤ للعورة ما سترت

ؤ سولني سيدنا موسى
علا ليهود
واش ماتو ولا عاشو

قلت: ف السيبة زادو كثرو
طغاو ؤ عدنا منهم نخافو

سولني سيدنا داود مشطون
اش خبار الأهرام و ولاد فرعون

قلت : فرقو النيل ؤ باعو الآثار
بنهار

ؤ سولني سيدنا سليمان
علا بل الهدهود والجن
مع بلقيس

قلت : بل الهدهود 
غابت عليه لفهامة 
...وتعلمو فيه لحجامة
والجنون اكشف منهم اللون
ؤ بلقيس ردموه قبرها بني صهيون

ؤ سولني سيدنا عيسى
اش خبار أولاد لكنيسة

قلت : راهم اغتاصبو القدس 
ؤ للعاهد  خانو
سكنو السما  ما حارو

سولني انبينا عل لعباد
ؤ ما جاري 
بعد سمعتو تحجل اللساني

جاوبت  ودموع طاح من عياني

اش غا نقول ليك يا الشافعي فينا
طاح شأن لمسلمين  ؤ غرقت السفينة

الجوامع كثرت ؤ لعباد كفرات
النسا سابت والرجال عابت

 الحي عاد واقف كي الميت
والجمعة عكبات سبت
ما كاين  غير شوف وسكت

الباطل اطغا وتجبر
والحق اتفرتت وبهات 
لا من ينهي ؤ  يأمر
ولا من يراعي ويحشم

امنادف الحقرة  منشورة
والرضاعة  غلبت لبزولة

كون غير رجعتي يا نبينا
وتشوف ما جاري لينا
ليهود حكمو فينا

شلا رجال  لبسو دفينة
والناس ما حارت
ارجع يا الشافعي فينا
ف هاد الحال لا تخلينا

بقلم الشاعر الزجال : محمد زرواني