هنام وأحلم ع طيفك كلمات الشاعر السيد علي القن

((( هنام واحلم ع طيفك )))

هنام واحلم
اكون وياك
تكلمني 
وأسمع لك
وتحكي لي
افضفض لك
تغني لي
وارقص لك
ويرقص م الفرحه
ع الحانك  
تقول الله
 ع مهلك
اقولك قلبي 
مشتاقلك
بيندهلك 
تعالي وضمني
لحضنك
وطمن قلبي
وحياتك
انا والله 
محتاج لك
تاخدني
بشوق وحنيه 
 لاحضانك 
و ضمه جامده 
من حضنك 
تروي قلبي 
بحنانك
انا احساسي بيك
اجمل ما ف الدنيا 
 كأنك جزء م دمي
كأنك نور بيسري
جوه ف  جروحي
يداوي كل اوجاعي
معاك بانسي 
الوجود كله
واعيش وياك امانيها
 وطيفك ساكن احلامي
ومهما اقول كلام عنك
قليل جدا عليك فيها
انا نفسي افضفضلك
وحكيلك  وتحكيلي
واشكيلك وتشكيلي
وابوحلك باللي جوايا
 بقي له سنين
برغم انك بتمنعني   
وتهرب مني و تبيعني 
بتهرب م السؤال يعني
حرام مره ترد  جواب
بحبك وانت مش حاسس
ومش عارف تدق الباب  
حرام حبك ممجنني
حرام قولها وما تخافش  
دي منك ليها مية معني
و ليه تنكر وتمنعها 
وتعمل مش واخد بالك
انا حالي ف الهوي حالك
ف ليه تأسي ع حالك 
وانا ليك حبيب ووليف
وهمي ف الحياه  همك
وفرحي ف الحياه فرحك
و حلمي  هو  ده  حلمك
 اقولك ايه و اوصف لك
حبيبي انت كل  الكون
وان بحبك  خلاص مفتوون 
انام واصحي ع صورتك 
علي طيفك ع صوتك 
يا شمسي وضلي وروايتي 
يا  روح بتجري ف دمي
تعرف انك لو تغيب عني  
شمس الدنيا  عني تغيب
ولو ترجع ف يوم ليا
يكون ليا كأنه العيد  


كلمات الشاعر / السيد علي القن